el wall paper nw 3la el mobile bta3y " the best feelings are those that have no words to describe them " :)
ازاي يعني مانا لما بخرج بكون مبسوطة
ولما بتخانق بكون مضايقة
ولما بتحصل حاجة تستفزي بكون غضبانة
طيب اشمعني لما بنفرح مش بنعرف نتكلم و نقول احنا ازاي مبسوطين
انا شايفة ان اصلا الفرح مش سهل زي ما ناس فاكرة اننا نفرح اصل ف ناس بتتفنن ف انها تنكد عليك و ناس بقي ياااااه ,,, اصلا كل هدفها انها تدور علي طرق علشات تخليك مبسوط علشان فرحتها و سعادتها متعلقة بفرحتك و النوع الاول من الناس الي بيحبوا يضايقوك انا مش هتكلم عنهم اصلهم مش يستهلوا اصلا اما النوع التاني فممكن افضل اتكلم عنهم كتيييييييييير و مش اديهم اصلا حقهم :)
الناس الي بنظرة من عنيهم بيفهموك و بيفهموك
الناس الي لما يجوا يقولوا حاجة تبقي مراهن نفسك انهم هيقولوا الكلمة دي و لما تقول انا عايز اقولك حاجة يقولك انا عارف
الناس بقي الي بيخافوا عليك اكتر من نفسهم و بيحطوك في مكانة اعلي من نفسهم عند نفسهم
الناس الي و هي خارجة مع صحابها و انت مش معاهم يفتكرك لما يبص ف محل و يشوف حاجة بتحبها فيجبهالك
الناس الي عاملهم subscribe علي ال face book علشان اي حاجة يعملوها تعرفها و هما كمان مراقبينك من غير ما يبينوا
الناس الي لما يتصلوا بيك و متردش يتصلوا بحد من صحابك لحسن يكون ف حاجة بعد الشر حصلتلك
او الناس الي بتاكد علييك تذاكر كويس قبل الامتحان رغم انهم ممكن مش هيذاكروا اصلا
الناس الي عايزيين مصلحتك و شايفيين ان مصلحتك معاهم و علشان كدة بيفضلوا معاك مهما حصل و زعلوا او زعلوك
الناس الي لما تكون بتاكل و في اكل علي وشك بيقولولك و مش هتتكسف منهم
الناس الي عادي جدا يشفوك و انت صاحي من النوم " يعني ف اسوء حلاتك " و يقولولك اية الحلاوه دي
الناس الي مش بيبطلوا ابدا يحبوك و بيجوا علي نفسهم علشانك الناس الي كل واحد مننا عندوا زيهم و يا بختنا بيهم و لو احنا الناس دي ف يا بخت الناس التانيين بينا
الناس الي مش شرط يكونوا بيعملوا كل الحجات الي فوق دي لو عملوا حاجة منهم كفاية انهم موجودين ف حياتنا
الناس الي ممكن تكون اهلنا اخواتنا اصحابنا جيرانا قرايبنا او حبايبنا
الناس الي لما حد يلاقي زيهم يتمسك بيهم علطول اصلوا مش هيلاقي حد كدة بعد كدة بنفس الحجات دي
انا بكتب البوست دة امتنان عن نوعية الناس دي ف حياتي ف لحظة روية واضحة الواحد بيخد باله و سعات بنكون مدايقين و ناقمين علي بيحصلينا ناسيين ان الظروف بتكون طارئة و مش دائمه بس علي الاقل بيكون معانا حد من الناس دي او كلهم
شكرا علي الناس دي الي موجودة ف حياتي ربنا يخليكوا ليا و تفضلوا دايما ف حياتي :)
